Cysylltwch â Heneb:Ymddiriedolaeth Archaeolegol Cymru

Ein cefndir

Rydym yn cynnal y Cofnod Amgylchedd Hanesyddol (CAH) ar gyfer pob ardal awdurdod lleol. Mae’r wybodaeth greiddiol sydd ar gael drwy Archwilio yn cael ei chefnogi gan niferoedd sylweddol o wybodaeth ychwanegol a gedwir gan bob un o’r swyddfeydd rhanbarthol. Yn ogystal â chael ei defnyddio gan ymchwilwyr preifat ac academaidd, mae’r wybodaeth yn hanfodol i awdurdodau lleol a sefydliadau eraill sy’n ei defnyddio i ddarparu cyngor strategol, a hefyd i ddarparu cymorth rheoli achos lle mae cynigion datblygu a chynlluniau amaeth-amgylcheddol, coedwigaeth a choetiroedd yn effeithio ar yr amgylchedd hanesyddol. Mae Heneb hefyd yn cynnal amrywiaeth eang o brosiectau archaeolegol ar gyfer cyrff sector cyhoeddus a phreifat, gan gynnwys asesiadau o effaith amgylcheddol, arolygon maes, gwaith cloddio a dehongliad treftadaeth.